السلام عليكم
موحلو انك دائما انتي اللي تطلبي وتحتاجي ,بس حلو انك تعطي وتساعدي
انا مررة اتضايق من البنات اللي دائما يطلبون نفس الشي بشكل يومي , صحيح انو مثلا علكة او ربطة , هو شي بسيط لكن اذا لاحظتي انك دائما تحتاجيه , يختي تعبي نفسك وجيبيه معك XD
بالذات اذا جا ذاك اليوم ولا لقيتي مع احد هذا الشي !
يلا الحين روحي اتوهقي XD
^
انا عارفة انو علكة او ربطة مافيها توهيقه بس تخيلي مثلا لو كان شي مهم !
فـ في هذا البوست راح اوريكم محفظة الضروريات اللي تكون معي في اغلب الاماكن وبالذات في الدوام يعني شغل/جامعة/مدرسة
ومو ضروري تسوون مثلي بالضبط,هي فكرة حبيت اشاركها معكم وانتم تقدرون تحطون في هالمحفظة اللي يناسبكم
الشنطة هذي اخذتها من H&M مافي حجم محدد لازم تاخذينه بس هو يعتمد ع اللي يناسبك
وتقدرين تحطين هالاغراض بأي محفظة يعني محفظة مكياج او محفظة اقلام
اول شي واهم شي ,مسكن الالم ,حطي النوع اللي يناسبك واذا عندك مشاكل صحية لاسمح الله ,لاتنسين ادويتك الضرورية حطي منها زيادة في هالمحفظة احتياط
قلم التايد معروف وموجود في ساكو ,ماتعرفين متى ممكن تتوسخ بلوزتك او تنورتك او حتى شنطتك وعبايتك !
شكله زي كذا ,اللي مايعرف كيف يستخدمة ,بكل بساطة اضغطي ع البقعة براس القلم وراح يطلع لك السائل اللي جوا القلم,بعدين افركي براس القلم الين تروح البقعة او تخف
مين مايحتاج مناديل , يمكن ينكب معك شي او تتحسسين من شي , الاسباب كثيرة والحل واحد!
على طاري الحساسية ,اللي يتحسسون من الغبار او من اشياء موجودة في كل مكان وينسد خشمهم , هذا حل مؤقت يصبر ويمشي الحال في حالة نسيتي دوا الحساسية , مناديل فيها منثول ,يعني فكس , وينفع برضو للمزكمين وزي كذا
مبرطب شفايف وبرضو كريم لليدين بس نسيت اصوره ,بالنسبة للمرطب هذا انا عارفة انه للرجال وكذا بس هذا يرطب اكثر من العادي عشان كذا افضلة , وبالنسبة لكريم اليدين في كريم جيلسوليد الاحمر في عصار صغير ينباع في كل مكان وماياخذ مكان في المحفظة
مين البنت "الكبيرة" اللي ماتحتاج فوط صحية ؟ هذي المحفظة كانت تجي في دعاية نانا فاخذتها ع اساس اجربها وماطلعت ذاك الزود بس المحفظة مفيدة جدا وعيبها الوحيد انو مو اي فوط تدخل فيها , وتقدرين تحطين فيها حبتين .
شي مهم للي شعرهم ينربط بالذات في الحر ماتدرين متى بيستلعن شعرك ويلبد او ينتفش
احسن طريقة عشان ماتضيعين الربطة انك تخلينها اكثر من حبة وتحطين معهم مشابك عشان يصير كتلة حجمها معقول وتلقينها في المحفظة على طول
ماتعرفين متى رح تنجرحين في اضيق وقت ,وهذاك الجرح اللي مايوقف دم , فحلو انه يكون معك كم حجم من لزق الجروح ومسحات ,وبرضو المسحات ممكن تستفيدين منها في اشياء ثانية.
معطر رائحة الفم او علكة , لان في الدوام راح ينشف حلقك من الحر وكذا فهذا الشي ممكن يغير ريحة فمك ,, فحلو انو تخلين نفسك فريش
مقص اظافر جدا مفيد عشان اذا انكسر اظفرك او بغيتي تقصين شي ممكن يكون مفيد
اللي يعجبني في مقص الاظافر هذا المبرد, احسه يبرد زين مو لعبة XD ,اخذت هالمقص من الدانوب
اللي فيه شعر أكيد راح يحتاج مشط !, هذا المشط اخذته من محل صيني ,حلو انه خشب ثقيل شوي وماينكسر على طول
المراية برضو مهمة , هذي من ابو ريالين لاني دايم اكسر المرايا بالذات اذا صاروا في شنطتي
مشابك او خيط و ابرة , ماتدرين متى ممكن ينقطع او ينشق شي
وبعد شين نسيت اصورهم , معقم يدين , معقمات باث اند بودي وركس مررا جميلة اذا استخدمتيه ريحته تنتشر وكل الناس يشمونها XD
والشي الثاني لاصحاب البشرة الدهنية او المختلطة اللي هو الاوراق الشمعية لإزالة الدهون من البشرة ,اذا ماتعرفون عنها زوروا مدونة اسال مجرب " هنا "
وبس,اتمنى انكم استفدتم من هالبوست 3>
My Twitter: https://twitter.com/Noralovesmakeup
Ask me :http://ask.fm/Noralovesmakeup
My Polyvore :http://noralovesmakeup.polyvore.com
Ask me :http://ask.fm/Noralovesmakeup
My Polyvore :http://noralovesmakeup.polyvore.com
My YouTube Channel :
ممررررآ ححبيت الفكررة ..
ردحذفوفعلآ يطفشو اللي كل يوم تطلب نفسسس الطلب
آححس اني اشتغل عندها ههههههه
ههههههههه اي صح والله
حذفلا واذا لمحتي لها تتغيبى وتسوي اني مافهمت او تقول انننننسسسسى
تسلمين حبيبتي ع الدعم 3>
أزال المؤلف هذا التعليق.
ردحذف