السلام عليكم
معلومة يمكن مو كثير يعرفونها عن علاقة برجوا وشانيل,برجوا ظهرت في عام 1863 ميلادي طبعا, أما شانيل فكانت في عام 1924 ,كوكو شانيل طلبت من مالك شركة برجوا انه يساعدها تطور عطورها المشهورة وبطريقة او بأخرى صارت عائلة بيير ويرذهايمر (مالك برجوا) تملك شانيل !
وحاليا مستحضرات الشركتين تصنع في نفس المصانع على حسب علمي
بس هل هذا معناه انهم بنفس الجوده ؟
في البداية
((انا كتبت ارائي عن المستحضرات اللي عندي وبما انها شركة من اللي اسعارهم معقوله ممكن كل لون ايشدو يختلف في جودته تماما عن الاخر))
راح ابدا بالسموكي ايز
انا عندي هذي العلبة اسمها nude ingenu (04(
العلبة حلوة وحجمها معقول
الايشدو نفسه مايطلع على طول يعني ممكن احيانا تحتاجين تحكينه بالفرشة حتى يطلع معك اللون بالذات مع الفاتح
اذا طبطبتي الفرشة حتى يطيح الزايد ماراح يطيح الشدو تحت العين كثير
يدوم اربع ساعات بدون برايمر ومع برايمر يمكن ست بس يمكن تشوفين قلتر تحت عينك منه وبالنسبة للون الفاتح يمكن يخف لونه كثير بعد اربع ساعات
البيج الفاتح معه قلتر والبني اللي معه اندر تون احمر معاه لمعه بدون قلتر واغمق واحد بدون لمعه
يندمج كويس بس ممكن يحوس شوي بالذات اللي ماتعودوا عليه
ممكن اذا حكيتي عينك بالغلط ينحاس
اعطيه 5 من10
هذا الايشدو 08 beige rose
العلبة جدا مناسبة وفيها كمية معقولة اتوقع 1,5 غرام
الايشدو هذا نفس الاول مايطلع على طول ممكن تحكيه بالفرشة وبعدين تطبطبي عشان مايطيح تحت عينك
مع برايمر ممكن يدوم فترة طويلة عل حسب نوع البرايمر , لمعته جدا جميله ولؤلؤية ويناسب الصباح وحلو كإضاءة
ودمجه عادي
اعطيه 8 من10
بالنسبة لهذي فهي الحين تنباع بـ8 ريال ,شفتها في سنتر بوينت اللي بالرياض قليري عند الكاشير في سلة
اللون على طول يطلع ويكون وضوحه جيد جدا
الجودة مقارنة بالسعر جميلة جدا ,اللون يمكن مايطلع مطابق للي في العلبة اذا حطيتيه لكن الاختلاف بسيط , تدوم فترة اكثر من 5 ساعات
عيبها انها فيها قلتر ناعم مع ان شكله مو شين لكنه بعد كم ساعة ممكن تشوفين القلتر تحت عينك
لكن احس لونها يطلع اكثر من الايشدوات الثانية تبع برجوا واثبت
ويندمج كويس
اعطيه 9من10
من اليمين 08 beige rose وبعده برجوا ميني رقم 52 وبرجوا ميني رقم 58 وبعده السموكي اي من الأغمق للأفتح
نصيحتي:
عن نفسي يمكن ماراح ارجع اشتري الا الميني اللي هي اخر وحده لأن سعرها جدا معقول واعجبتني اكثر من الايشدوات الباقية وبالنسبة للقلتر اللي يطيح تحت العين بتخيل انه اضاءه بما انه ناعم جدا ! بس اعجبني انها ناعمه ومو تتفتفت زي الباقيين ,وبس!
في النهاية :
إذا وصلتي لهالفقرة ,, احب اشكرك على زيارتك لمدونتي 3>
My Twitter: https://twitter.com/Noralovesmakeup
Ask me: http://ask.fm/Noralovesmakeup
My Polyvore: http://noralovesmakeup.polyvore.com
My YouTube Channel :
http://www.youtube.com/channel/UCTCNX50TgwQUwj8w-Fd7uyg?feature=mhee
