ريفيو: ماسكرا الطول الغير قانوني من مايبيلين

السلام عليكم 

المسكرة هذي كنت ابغاها من زمان واشوف الريفيوات الاجنبية عليها واقول ااخ متى تجي عندنا في السعودية <<دخلت جو 

ومرة وانا في سنتر بوينت طاحت عيني عليها , وامر واخطفها بكل رشاقة , والبنات اللي يشتغلون تنحوا شوي ,لاني اخذتها بدون سؤال ولا تفكير ولا شي , وبتعرفون ليش اذا قريتوا الريفيو 3>

العلبة فضية بلاستيك وشكلها مايل شوي ,بس جدا انيقة للي يبغى يصور جنبها XD 

الفرشة طويلة واسنانها متباعدة بس مع كذا مالاحظت انها تلصق رموشي مع بعض بشكل جنوني وهذا دايما اللي يصير معي بالفرش اللي زي كذا يعني يمكن كم رمش تلاصقوا لكن مو بشكل ملحوظ وقبيح 

سوادها جميل وماعليه اي كلام 

النسخة اللي عندي عادية مو ضد الماء

التطويل وهو الهدف من هذي المسكرة خرااافي

ليش؟

لأن المسكرة هذي فيها زي الوبر يتصل في نهاية رمشك ويطوله وشكله زي كذا 

والوبر هذا ممكن يوصل طوله لـ 4 ملم 

طبعا لاتتوقعون انكم كل ماحطيتوا طبقة ثانية راح تطول رموشكم اكثر , 

لا , اصلا اذا حطيتي طبقة وحدة خلاص ماراح يتغير التاثير حتى لو حطيتي عشرين طبقة فوقها 

غير كذا , مافيه اي نوع من التكثيف !

بس .. اذا حطيتي فوق هالمسكرة مسكرة تكثيف راح تطلع رموشك كأنها مركبة, وكثير سألوني اذا كنت مركبة رموش يوم كنت مستخدمتها وفوقها مسكرة ثانية للتكثيف

اصلا يكفي اني اذا حطيتها بدون ما استخدم قاعصة الرموش اشوف رموشي 

يعني اشوفها اذا ارمشت واذا لبست نظارة توصل للقزازة واذا قعصت رموشي احس بها على عظمة حاجبي

ماتتفتفت ولا تسيح حتى وهي ضد الماء , طبعا بتسيح لو غسلتي وجهك بموية لكن في الحر اذا عرقتي وكذا ماتسيح على طول 

ماسوت لي حساسية ولا جابت لي حكة 

اخليكم مع صور لقبل وبعد لوحدة شرق اسيوية مسويه عنها ريفيو

قبل

بعد

لو تلاحظون التكثيف موب ذاك الزود لان المسكرة هذي غرضها التطويل فقط

مدونتها "هنا" للي يبغى يشوف باقي الصور وكذا 

سعرها , ما اتذكر بس اكيد نفس اسعار مسكرات ميبلين يعني في حدود الـ28 والـ30

نصيحتي:

احس المسكرة هذي تستاهل كل ريال فيها بما انها تعطي طول مثل الرموش المزيفة بدون ماتاخذين الوقت انك تحطينها وكذا 

وتقنية الوبر اللي يطول الرموش نادر ماتلقينها في المسكرات الارخص سعرا ولا هي موجودة من فترة في المسكرات الغالية 

فـ اذا محتاجة مسكرة تطول ,لاتترددين هذي في عيني احسن مسكرة للتطويل 
ولو حابة مسكرة حلوة للتكثيف عشان تستخدمينها معها ممكن تجربين مسكرة مايبلين  الصفرا المعروفة

في النهاية :
إذا وصلتي لهالفقرة ,, احب اشكرك على زيارتك لمدونتي 3>

My Twitter: https://twitter.com/Noralovesmakeup
Ask me: http://ask.fm/Noralovesmakeup

My Polyvore: http://noralovesmakeup.polyvore.com 

My YouTube Channel :
http://www.youtube.com/channel/UCTCNX50TgwQUwj8w-Fd7uyg?feature=mhee